Мамандық таңдауда ең алдымен баланың қызығушылығын, оның бейімділігін, қабілетін, қалауын, содан кейін ғана отбасылық дәстүр мен қызығушылықты ескеру қажет.
Балаңыздың кәсіби жоспарлары туралы ақпаратты онымен ашық сөйлесу барысында ғана алуға болады.Бірақ ата-ана баланың мамандық таңдауда толық тәуелсіздігіне сенбей,өз тарапыңыздан қолдау көмегіңізді аямауыңыз қажет.
Кәсіби бағдар берушінің оқушымен жұмыс жасаған кезінде,қолында мамандық туралы ақпараттар беретін техника-құралы болуы қажет. Себебі, оқушымен жұмыс жасаған кезде оның алдында еш мамандық болмаса,ол ештеңе айта алмайды. Қәзіргі балалар көп ашыла бермейді,сондықтан бұл мак карталар тұйық балаларды ашып,назарларын мамандық суреттелген карталарға қойып,сөйлете бастайды. Осындай әдіс-тәсілдермен,балаға диагностика жасап «Өзім туралы мен не білемін,менің мықты және әлсіз тұстарым?» деген сауалнама толтырылып, нәтиже қорытындысы бойынша баланың бойындағы басым қабілеттілігі анықталып бағыт-бағдар беріледі. Балаңыздың өзі жасаған мамандық таңдауы өз таңдауы екенін сезінуі қажет.Өйткені, таңдау оның салдары үшін жауапкершілікті білдіреді. Кім таңдайды, сол адам жауапты. Ал балаңызға ол мамандықты өзі таңдамағандай көрінсе, ол өзі үшін оқымайды. Оқу оны мазалайды, ол оны қызықсыз, ауыр міндет деп қабылдайды. Ал, керісінше, бұл мамандықты өзі таңдағанын сезінудің өзі оның кәсіби даму жолында ілгерілеуіне айтарлықтай ынталандырады.
Кәсіби өзін-өзі анықтау - бұл өмірдің барлық бағытын түбегейлі өзгертетін, оның барлық салаларына әсер ететін оқиға.
