«Болашаққа билет»

Қорғаныс істері жөніндегі мамандықтарға баулу мақсатында осы салаға қызығатын оқушылармен ақпараттық-түсіндіру кездесуі өткізілді. Іс-шараға Маңғыстау облысының Қорғаныс істері жөніндегі департаментінің әскерден тыс жұмыс және келісім шарт бойынша әскери қабылдау тобының басшысы лейтенант Бушиев Серик Аскарович кездесу барысында қатысушыларға әскери қызметтің маңызы, қорғаныс саласындағы мамандықтардың түрлері, әскери оқу орындарына түсу тәртібі және талапкерлерге қойылатын талаптар туралы толық ақпарат берілді. Сонымен қатар, оқушылардың сұрақтарына жауап беріп, кәсіби бағыт-бағдар беру бойынша кеңестер ұсынды.

Іс-шараның негізгі мақсаты - жастар арасында отансүйгіштік рухты нығайту, әскери қызметке қызығушылықты арттыру және қорғаныс істері саласындағы мамандықтарға бағыттау болды.

Кездесу мазмұнды әрі әсерлі өтті, қатысушылар пайдалы мәліметтер алып, өз болашақ мамандығын таңдау бойынша ой түйді.